Փետրվարի 15-ից Հայաստանում կգործարկվի արտակարգ արձագանքման 112 միասնական հեռախոսահամարը։ Ոստիկանություն և փրկարար ծառայություն մուտք գործող զանգերը կմիավորվեն ՆԳՆ զանգերի մշակման միասնական կենտրոնում, ինչը թույլ կտա ավելի արագ արձագանքել արտակարգ իրավիճակներին։
Քաղաքացիները մեկ զանգով կկարողանան կապ հաստատել ՆԳՆ բոլոր ենթակա ծառայությունների հետ։ Նման մոտեցումն կարագացնի օգնության տրամադրումը, կապահովի ոստիկանության և փրկարարների համատեղ արձագանքումը և կկրճատի դեպքի վայր ժամանելու ժամանակը։
Գերատեսչությունում ընդգծել են, որ նոր համակարգը կբարձրացնի արտակարգ ծառայությունների աշխատանքի արդյունավետությունը և բնակչության անվտանգությունը, իսկ բնակիչները կկարողանան ավելի արագ ստանալ անհրաժեշտ օգնությունը ցանկացած կրիտիկական իրավիճակում։
