2026 թվականի ապրիլի 1-ից Հայաստանում բոլոր կենսաթոշակները և սոցիալական նպաստները կվճարվեն բացառապես անկանխիկ եղանակով, հայտնել են Աշխատանքի և սոցիալական հարցերի նախարարությունում։ Այն քաղաքացիներին, ովքեր մինչև մարտի 5-ը չեն հասցնի դիմում ներկայացնել վճարման ձևը փոխելու համար, բանկը կնշանակվի ավտոմատ կերպով, և մարտի 5-ից ապրիլի 1-ն ընկած ժամանակահատվածում բանկի փոփոխությունն անհնար կլինի։
Քարտերը կառաքվեն առաքիչ ծառայության միջոցով, իսկ անհրաժեշտության դեպքում՝ սոցիալական աշխատողների մասնակցությամբ, հատկապես հաշմանդամություն ունեցող քաղաքացիների համար։ Նախարարությունը կոչ է անում թոշակառուներին և նպաստառուներին նախապես դիմում ներկայացնել https://online.ssa.am հարթակում կամ Միասնական սոցիալական ծառայության ցանկացած տարածքային կենտրոնում։