Երևանում տեղի է ունեցել «Մրցակցությունը և սպառողների իրավունքների պաշտպանությունը Հայաստանում թվային հարթակների զարգացման համատեքստում» քննարկումը, որը կազմակերպել էր Yandex Armenia-ն՝ Մրցակցության պաշտպանության և սպառողների իրավունքների պաշտպանության հանձնաժողովի հետ համատեղ։ Հանդիպման մասնակիցները՝ պետական կառույցների, մասնավոր հատվածի ներկայացուցիչներ և շուկայի փորձագետներ, քննարկել են ոլորտի կարգավորման և ծառայությունների թափանցիկության բարձրացման ուղիները:
Քննարկման ընթացքում ընդգծվել է, որ հակամենաշնորհային համապատասխանության և «փափուկ իրավունքի» այլ գործիքների ներդրումը օգնում է կանխատեսելի միջավայր ստեղծել շուկայի մասնակիցների համար։ Yandex Armenia-ն արդեն իրականացրել է միջոցառումներ, որոնք բարձրացնում են ուղևորների և վարորդների համար հարմարավետությունն ու թափանցիկությունը, ներառյալ ուղևորության արժեքի մանրամասնումը և ծառայության միջնորդավճարի սահմանափակումը:
Բացի այդ, քննարկվել է նոր ցածր գնով ծառայության գործարկումը, որը լրացուցիչ այլընտրանք կապահովի թվային հարթակների միջոցով չկանոնավորված ուղևորափոխադրումների համար: Կողմերը նշել են, որ աշխատանքային խմբի շրջանակներում համատեղ աշխատանքը կշարունակվի ոլորտի հետագա կատարելագործման համար:
