ՀՀ տարածքային կառավարման և ենթակառուցվածքների նախարար Դավիթ Խուդաթյանի տվյալներով՝ անցյալ տարի արևային էլեկտրակայաններին բաժին է ընկել երկրում արտադրված էլեկտրաէներգիայի ընդհանուր ծավալի 14%-ը:
Գործող արևային կայանների ընդհանուր հզորությունը գերազանցում է 1150 ՄՎտ-ը, ինչը 150 ՄՎտ-ով ավելի է, քան 2030 թվականի համար նախատեսված մակարդակը։ 2024 թվականի համեմատ հզորությունները աճել են ավելի քան 45%-ով:
2025 թվականին էլեկտրաէներգիայի ընդհանուր արտադրությունը կազմել է 10 010,3 մլն կՎտժ, ինչը 6,7%-ով ավելի է, քան 2024 թվականի ցուցանիշը։ ՋԷԿ-երին բաժին է ընկել 33,6%-ը (3 360,9 մլն կՎտժ, նվազում՝ 4,4%-ով), Հայկական ԱԷԿ-ին՝ 29,1%-ը (2 914,9 մլն կՎտժ, աճ՝ 3%-ով), ՀԷԿ-երին՝ 21%-ը (2 106,4 մլն կՎտժ, աճ՝ 2,3%-ով)։
Ձեռքբերումները ցույց են տալիս վերականգնվող էներգետիկայի արագ աճը և ավանդական աղբյուրներից կախվածության աստիճանական նվազումը:
