Հայաստանում առաջիկա ամիսներին գնաճը կպահպանվի Կենտրոնական բանկի թիրախային միջակայքի վերին սահմանին (3±1%): Այս եզրակացությանն է եկել Եվրասիական զարգացման բանկն իր վերջին մակրոտնտեսական վերանայման մեջ: 2026 թվականի մարտին սպառողական գների աճը արագացել է մինչև տարեկան 4,5%՝ նախորդ ամսվա 4,3%-ի դիմաց:
Գնաճի հիմնական շարժիչ ուժը մնում են պարենային ապրանքները. դրանց արժեքն աճել է 7,8%-ով՝ փետրվարի 6,4%-ից հետո: Միևնույն ժամանակ, ծառայությունների և ոչ պարենային ապրանքների հատվածում դինամիկան մնում է ավելի զուսպ՝ համապատասխանաբար 2,6% և 0,9%: Սա մատնանշում է տեղական ճնշում հենց պարենային շուկայի կողմից:
Համաձայն կանխատեսումների, կարճաժամկետ հեռանկարում գնաճը կգտնվի Հայաստանի Կենտրոնական բանկի թիրախային միջակայքի վերին սահմանին մոտ: 2026 թվականի բյուջեում դրված է 3% ուղենիշ ±1% շեղումով, մինչդեռ կարգավորիչն ինքը ակնկալում է տարվա վերջում 3,3–4,4% վերջնական ցուցանիշ՝ հետագա տարիներին աստիճանական դանդաղեցմամբ:
