Wildberries մարկետփլեյսը Unibank-ի հետ համատեղ Հայաստանում օգտատերերի համար գործարկել է ապառիկ գնումների ծառայություն։ Այժմ պատվեր ձևակերպելիս հաճախորդները կարող են ընտրել բանկի միջոցով վճարման տարբերակը և դիմել ֆինանսավորում ստանալու համար անմիջապես գնման գործընթացի ընթացքում։
Վճարման համապատասխան եղանակն ընտրելուց հետո համակարգը օգտատիրոջը վերահղում է բանկի էջ, որտեղ տեղի է ունենում հայտի քննարկումը և որոշման կայացումը։ Ապառիկը հասանելի է մինչև 2,5 միլիոն դրամի չափով՝ մինչև 36 ամիս ժամկետով։ Հատուկ պարամետրերը, ներառյալ տոկոսադրույքը և վճարումների ժամանակացույցը, որոշվում են անհատապես յուրաքանչյուր հաճախորդի համար և ցուցադրվում են ձևակերպումն ավարտելուց առաջ։
Եթե գնորդը հետագայում հրաժարվի ապրանքից, վճարված միջոցները կվերադարձվեն, իսկ վարկային պայմանագրով պարտավորությունները կվերահաշվարկվեն կամ ամբողջությամբ կփակվեն։ Wildberries-ում նշում են, որ նման ֆինանսական գործիքների ներդրումը գնումներն ավելի մատչելի է դարձնում և հաճախորդներին թույլ է տալիս անհրաժեշտ ապրանքներ ձեռք բերել անմիջապես՝ ծախսերը երկար ժամանակահատվածի վրա բաշխելով։