Firebird ընկերությունը համաձայնագրեր է ստորագրել Ղազախստանի կառավարության հետ՝ ազգային արհեստական ինտելեկտի ենթակառուցվածքի, հաշվողական հզորությունների և թվային էկոհամակարգի զարգացման վերաբերյալ։ Ստորագրումը տեղի է ունեցել Աստանայում՝ կառավարության, տեխնոլոգիական ընկերությունների և Nvidia-ի ներկայացուցիչների մասնակցությամբ։
Նախագիծը ներառում է նոր սերնդի AI-ենթակառուցվածքի, ամպային լուծումների, հետազոտական նախաձեռնությունների և լայնածավալ հաշվողական հարթակների մշակում։ Քննարկումներին մասնակցել են Ղազախստանի վարչապետ Olzhas Bektenov-ը, կառավարության ներկայացուցիչներ, ինչպես նաև Nvidia-ի Omniverse և Simulation Technology-ի փոխնախագահ Reva Lebaredian-ը։
Ավելի վաղ կողմերն արդեն քննարկել էին բարձր մակարդակի համագործակցություն, ներառյալ Ղազախստանի ղեկավարության և Firebird-ի ներկայացուցիչների մասնակցությունը AI-հարթակների ապագա ճարտարապետության ձևավորմանը։ Ընկերությունում նշում են, որ հաշվողական հզորությունների և կադրերի զարգացման ներդրումները դիտարկվում են որպես հաջորդ սերնդի թվային տնտեսությունների ձևավորման առանցքային գործոն։
Firebird-ը նաև ավարտում է իր առաջատար AI Factory նախագծի առաջին փուլը Հայաստանում, որի մեկնարկը նախատեսված է 2026 թվականի հուլիսին։ Նախագիծը շինարարության սկզբից մինչև սարքավորումների տեղադրման պատրաստ լինելը տևել է ընդամենը վեց ամսից մի փոքր ավելի։