Հայաստանի ֆինանսների նախարար Վահե Հովհաննիսյանը հայտարարել է, որ արհեստական բանականության ներդրումը կարող է աջակցել երկրի տնտեսական աճին, սակայն միաժամանակ որոշակի ռիսկեր է պարունակում աշխատաշուկայի համար։
Խորհրդարանում 2025 թվականի պետական բյուջեի կատարման քննարկման ժամանակ նա նշել է, որ շատ պետություններ արդեն ակտիվորեն վերլուծում են AI-ի ազդեցությունը տնտեսական գործընթացների վրա։
Միջազգային փորձագետների գնահատմամբ՝ արհեստական բանականության օգտագործումը կարող է ՀՆԱ-ի աճին ավելացնել մոտ 0,8–1 տոկոսային կետ։
Միաժամանակ նախարարն ընդգծել է, որ տեխնոլոգիական փոփոխությունները կարող են հանգեցնել զբաղվածության վերափոխման. ավանդական աշխատատեղերի մի մասը կարող է կրճատվել, սակայն զուգահեռաբար կհայտնվեն նոր մասնագիտություններ և գործունեության ուղղություններ։