Viva-ն հայտարարել է Հայաստանում առաջին և միակ 5G+ ցանցի գործարկման մասին։ Նոր բջջային ենթակառուցվածքն արդեն հասանելի է ամբողջ Երևանում, ինչպես նաև Շիրակի, Լոռու, Տավուշի, Գեղարքունիքի, Կոտայքի և Արագածոտնի մարզերի մի շարք քաղաքներում։
Ընկերությունը նախատեսում է մինչև 2026 թվականի վերջ ընդլայնել ծածկույթը Հայաստանի բոլոր քաղաքներում, իսկ հաջորդ քայլը կլինի գյուղական համայնքների միացումը։
5G+ տեխնոլոգիան կապահովի տվյալների փոխանցման ավելի բարձր արագություն, ազդանշանի նվազագույն ուշացումներ և հիմք կդառնա նոր թվային լուծումների զարգացման համար։ Հնարավոր օգտագործման ուղղություններից են արհեստական բանականության վրա հիմնված ծառայությունները, իրերի ինտերնետը, «խելացի» քաղաքները, հեռաբժշկությունը և թվային տնտեսության այլ տեխնոլոգիաներ։
Մինչև օգոստոսի 14-ը Viva-ի նոր բաժանորդները 5G+ ծածկույթ ունեցող բնակավայրերում կկարողանան ստանալ 50 ԳԲ բջջային ինտերնետ որպես նվեր։