TUMO ստեղծարար տեխնոլոգիաների կենտրոնը նշել է իր 15-ամյակը Լոս Անջելեսում կայացած հոբելյանական երեկոյով։ Միջոցառմանը մեծարվել են ServiceTitan-ի Վահե Կուզոյանը և Արա Մախդեսյանը, ինչպես նաև NVIDIA-ի Ռևա Լեբարեդյանը։ Հանդիպումը միավորել է կազմակերպության գործընկերներին, շրջանավարտներին, բարերարներին և աջակիցներին և միաժամանակ հարթակ է դարձել Հայաստանում TUMO-ի հետագա զարգացմանն աջակցություն ներգրավելու համար։

Հոբելյանի գլխավոր թեման կրթական ցանցի ընդլայնումն էր։ TUMO-ն նախատեսում է կենտրոններ բացել երկրի նոր համայնքներում, որպեսզի ավելի շատ հայ դեռահասներ կարողանան անվճար տեխնոլոգիական և ստեղծարար կրթություն ստանալ՝ անկախ բնակության վայրից։

2011 թվականին Երևանում հիմնադրված TUMO-ն վերածվել է միջազգային ցանցի, որտեղ ամեն շաբաթ պարապում է ավելի քան 40 հազար դեռահաս, այդ թվում՝ ավելի քան 25 հազարը Հայաստանում։ 15 տարվա ընթացքում ծրագիրն ավարտել է ավելի քան 100 հազար մարդ։

Ուսուցումը մնում է լիովին անվճար և ներառում է 14 ուղղություն՝ արհեստական բանականություն, ծրագրավորում, ռոբոտաշինություն, անիմացիա, կինոարտադրություն, խաղերի մշակում, 3D-մոդելավորում, երաժշտություն, լուսանկարչություն և գրաֆիկական դիզայն։