Հայաստանի կենտրոնական բանկը կիբերխարդախությունների դեմ պայքարում մտադիր է կառուցել թվային ծառայությունների զարգացման և համակարգի ֆինանսական կայունության միջև հավասարակշռության վրա հիմնված քաղաքականություն: Այս մասին հայտարարել է կարգավորիչի ղեկավար Մարտին Գալստյանը՝ պատասխանելով «ԱՐԿԱ» գործակալության հարցին։ Նրա խոսքով, ֆինանսական ծառայությունների առցանց տեղափոխման դեպքում թվային հիգիենայի տարրական կանոնների անտեսումը կարող է ստիպել իշխանություններին գնալ այն քայլերին, որոնք կնշանակեն հետընթաց՝ համեմատած ընթացիկ առաջընթացի մակարդակի հետ:
Գալստյանը նշել է, որ բանկային հատվածում խարդախությունների նոր դեպքերի շաբաթական մոնիտորինգի արդյունքում վերջին շրջանում չեն հայտնաբերվել, իսկ աշխատանքները կենտրոնացած են արդեն իսկ գրանցված միջադեպերի վրա։ Ընդ որում, նա ընդգծել է, որ նոր դեպքերի բացակայությունը չի նշանակում ապագայում ռիսկերի լիակատար վերացում, քանի որ թվային սպառնալիքները մնում են չափազանց դինամիկ:
ԿԲ ղեկավարը թվային խարդախությունը XXI դարի գլոբալ ֆինանսական համակարգի ամենալուրջ խնդիրներից մեկն է անվանել։ Անձնական տվյալների և թվային նույնականացման գողությունները լայնորեն տարածված են ամբողջ աշխարհում, և Հայաստանը, զարգացնելով առցանց ծառայությունները, բախվում է նույն մարտահրավերներին։ Աճող բանկային խարդախությունների ֆոնին, ներառյալ բանկերի անունից սոցցանցերում կեղծ հայտարարությունները, կարգավորիչում քննարկվում է նույնականացման պահանջների խստացումը, առաջին հերթին առցանց վարկերի ձևակերպման ժամանակ, ինչպես նաև խարդախ գործողություններից ապահովագրության մեխանիզմների ներդրման հնարավորությունը: