Հայաստանը ներառվել է այն երկրների ցանկում, որտեղ արժե արձակուրդն անցկացնել մարտ ամսին: OneTwoTrip ծառայությունը նշում է, որ այս երկիր ճանապարհորդելը ձեռնտու և հետաքրքիր է ռուսաստանցիների համար: Հայաստան մեկնելու համար ռուսաստանցիներին վիզա հարկավոր չէ:
Մարտին այստեղ արդեն տաք է. օդը տաքանում է մինչև 13–15 աստիճան, ինչը թույլ է տալիս երկար զբոսնել և տեսնել տեղական տեսարժան վայրերը: Այցելության համար հիմնական օբյեկտներից են՝ Կասկադ համալիրը, Գառնիի տաճարը, Հայաստանի պատմության թանգարանը, Ազգային պատկերասրահը և Վերնիսաժը: Մարտի 12-ին Երևանում նշվում է քաղաքի օրը՝ մեծ շքերթներով, միջոցառումներով և համերգներով:
Մոսկվայից Երևան թռիչքն արժե 10 հազար ռուբլուց սկսած մեկ ուղղությամբ, իսկ կենտրոնում գտնվող եռաստղանի հյուրանոցում երկու հոգու համար համարը կարելի է ամրագրել օրական 3 հազար ռուբլուց սկսած, ինչն էլ ուղևորությունը դարձնում է մատչելի և հարմարավետ:
