Air Baltic ավիաընկերությունը մայիսի 2-ից կսկսի չարտերային չվերթներ իրականացնել Երևան-Ռիգա-Երևան երթուղով։ Այս մասին հայտնել է Հայաստանի զբոսաշրջության կոմիտեն։
Ուղիղ ավիահաղորդակցության գործարկումը քննարկվել է կոմիտեի ղեկավար Լուսինե Գևորգյանի՝ Հայաստանում Լատվիայի դեսպան Էդիտե Մեդնեի և պատվավոր հյուպատոս Արմեն Կասաբօղլյանի հետ հանդիպմանը։ Կողմերը ընդգծել են, որ նոր չվերթները լրացուցիչ հնարավորություններ կստեղծեն երկու ուղղություններով զբոսաշրջային հոսքերի աճի համար։
Հանդիպման մասնակիցները քննարկել են նաև զբոսաշրջության ոլորտում հայ-լատվիական համագործակցության ընդլայնման հեռանկարները և չարտերային ծրագրի մեկնարկից առաջ փոխգործակցության ակտիվացմանն ուղղված միջոցառումները։
