Ապրիլի 8-ին Երևանում կանցկացվի Doing Digital չորրորդ համաժողովը, որը համարվում է թվային տնտեսության և ֆինտեխի ոլորտի առանցքային իրադարձություններից մեկը: Միջոցառումը միավորելու է միջազգային փորձագետների, բիզնեսի և պետական կառույցների ներկայացուցիչների՝ «Միացնելով հարթակները և տնտեսությունները» թեմայի ներքո, որն արտացոլում է գլոբալ շուկայի զարգացման նոր փուլը:
Հրավիրված բանախոսների թվում են խոշոր միջազգային ընկերությունների և տեխնոլոգիական հարթակների թոփ-մենեջերները: Մասնավորապես, սպասվում է Ant International-ի, Amazon Web Services-ի, Visa-ի ներկայացուցիչների, ինչպես նաև նորարարական ընկերությունների ղեկավարների մասնակցությունը: Կազմակերպիչները ընդգծում են, որ ժամանակակից թվային տնտեսությունը կառուցվում է ոչ թե առանձին լուծումների, այլ փոխկապակցված էկոհամակարգերի վրա, որոնք ձևավորում են համագործակցության նոր մոդելներ երկրների միջև:
Համաժողովի ծրագիրը կընդգրկի առանցքային ուղղություններ՝ մարդու և թվային տեխնոլոգիաների փոխգործակցությունից մինչև ֆինանսական գործիքների ինտեգրում և կարգավորման զարգացում: Կքննարկվեն նաև նորարարությունների աճի և շուկաների միջև կապերի ամրապնդման հարցերը: Կազմակերպիչների մտահղացմամբ՝ համաժողովը պետք է ամրապնդի Հայաստանի դերը որպես տարածաշրջանային և գլոբալ թվային էկոհամակարգերի միջև երկխոսության հարթակ: