Yandex Armenia-ն հանդես է եկել որպես Պետական հատվածի նորարարության ֆորումի ռազմավարական գործընկեր, որը Հայաստանի թվային ապագայի քննարկման առանցքային հարթակ է: Ընկերությունը ներկայացրել է տեխնոլոգիաների ինտեգրման իր նախաձեռնությունները պետական մարմինների և Երևանի քաղաքապետարանի աշխատանքներում:
Yandex Armenia-ի տվյալներով՝ ընկերության գործառնությունների համախառն ծավալը կազմում է երկրի ՀՆԱ-ի մոտ 1,2%-ը։ Արհեստական ինտելեկտի ոլորտում հմտությունների զարգացման ծրագրի շրջանակներում չորս նախարարությունների ավելի քան 150 աշխատակիցներ անցել են վերապատրաստում, և ծրագիրը կշարունակվի:
Երևանի քաղաքապետարանի հետ համատեղ ներդրվել են իրական ժամանակում տվյալների վրա հիմնված լուծումներ. տրանսպորտի երթևեկության մասին տեղեկատվությունը հասանելի է հավելվածում և կանգառների ցուցատախտակներին, ինչը բարձրացնում է քաղաքային որոշումների կայացման արդյունավետությունը:
Բացի այդ, ընկերությունը ներդրումներ է կատարում կրթական նախագծերում՝ աջակցելով հետազոտողներին և ներգրավելով պրակտիկ մասնագետներին դասավանդմանը՝ նպաստելով երկրում թվային հմտությունների զարգացմանը:
