Ապրիլի 27-ից 29-ը Երևանում կանցկացվի FINTECH360 միջազգային համաժողովը, որը կհավաքի ավելի քան 500 մասնակից 30 երկրներից։ Միջոցառմանը կմասնակցեն բանկերի, վճարային ծառայությունների, ՏՏ ընկերությունների և ստարտափների թոփ-մենեջերները, ինչը այն դարձնում է ֆինանսական ոլորտի ապագայի քննարկման առանցքային հարթակներից մեկը։
Ծրագիրը կենտրոնացած է պրակտիկայի վրա և ներառում է թվային փոխակերպման, բանկային հատվածում արհեստական ինտելեկտի ներդրման, բիոմետրիայի, էլեկտրոնային առևտրի զարգացման, տվյալների պաշտպանության, ակտիվների թոքենիզացիայի և կրիպտոարժույթների օգտագործման վերաբերյալ նիստեր: Մասնակիցները հնարավորություն կունենան փոխանակվել փորձով և քննարկել ֆինտեխ շուկայի զարգացման նոր մոտեցումները ղեկավարների մակարդակով:
Բանախոսների թվում են միջազգային կազմակերպությունների, բանկերի և ներդրումային ընկերությունների ներկայացուցիչներ։ Համաժողովը տեղի կունենա Seven Visions Resort & Places, the Dvin հյուրանոցում՝ Յունիբանկի, UBPay-ի, KWIKPAY-ի և Ns.Cards-ի աջակցությամբ։ Բացի գործնական ծրագրից, մասնակիցներին կառաջարկվի մշակութային ծրագիր՝ ուղևորություններ դեպի Գառնի և Գեղարդ, ինչպես նաև այցելություն The Van Ardi գինեգործարան։
