Sevan Startup Summit 2026-ը Հայաստանում կմեկնարկի հուլիսի 26-ին և կտևի մինչև օգոստոսի 1-ը, հայտնել է Բարձր տեխնոլոգիաների արդյունաբերության նախարար Մխիթար Հայրապետյանը:
Գագաթաժողովը միասնական հարթակում կհավաքի տարբեր երկրների ստարտափներին, առաջատար մասնագետներին և ներդրողներին՝ ստեղծելով եզակի միջավայր փորձի փոխանակման և նորարարությունների ներդրման համար:
Միջոցառումն արդեն միջազգային ճանաչում է ստացել և հանդես է գալիս որպես գործընկերային կապերի ամրապնդման և Հայաստանի տեխնոլոգիական ներուժի ընդլայնման հարթակ։ Կառավարությունը երկրորդ տարին անընդմեջ մասնակցում է գագաթաժողովին՝ կազմակերպման համար հատկացնելով 200 միլիոն դրամ։
Նախորդ՝ Sevan Startup Summit 2025-ի յոթերորդ համաժողովը տեղի է ունեցել հուլիսի 20-26-ը ոչ պաշտոնական վրանային ձևաչափով։ Նոր գագաթաժողովը խոստանում է ավելի լայնածավալ լինել՝ միավորելով առաջատար փորձագետների փորձը և Սևանի գեղատեսիլ ափի ֆոնին հեռանկարային նախագծերում ներդրումներ կատարելու հնարավորությունները:
