Wildberries ընկերությունը հայտարարել է, որ մշտական երկխոսության մեջ է գործընկերների և համապատասխան կառույցների հետ՝ Ռուսաստանի Դաշնության տարածքում ապրանքների առանձին կատեգորիաների նկատմամբ մաքսային հսկողության լրացուցիչ ընթացակարգերի հարցի շուրջ։
Ապրիլի 20-ից Ռուսաստանում փոխվել են մաքսային ձևակերպման կանոնները, ինչի կապակցությամբ վաճառողներից պահանջվել են լրացուցիչ փաստաթղթեր։ Այն ապրանքները, որոնք արդեն գտնվում են ՌԴ պահեստներում, շարունակում են վաճառվել սովորական ռեժիմով։
Ընկերության ներկայացուցիչները հանդիպում են անցկացրել հայ վաճառողների հետ, որին մասնակցել է ավելի քան 50 ձեռնարկատեր։ Հանդիպմանը քննարկվել են ծագած հարցերը, լսվել են գործընկերների առաջարկները, և շարունակվում է համատեղ լուծումների մշակումը։ Վաճառողները պահպանում են Հայաստանի ներքին շուկայում աշխատելու հնարավորությունը։
Wildberries-ը հույս է հայտնել իրավիճակի փուլային կարգավորման վրա և խոստացել է տեղեկացնել էական փոփոխությունների մասին՝ դրանց առաջացմանը զուգահեռ։ Բոլոր հարցերը քննարկվում են սահմանված կարգով՝ համապատասխան կողմերի մասնակցությամբ։
