Ucom ընկերությունը գործարկել է ֆիքսված կապի ցանց Կոտայքի մարզի Զովունի գյուղում։ Այժմ տեղացիները կարող են միանալ տարածաշրջանների համար գործող բոլոր սակագներին, ներառյալ ինտերնետը, բջջային կապը և հեռուստատեսությունը մեկ փաթեթով՝ ավելի ձեռնտու պայմաններով:
Ի պատիվ ցանցի ընդլայնման՝ մինչև հունվարի 31-ը գործում է հատուկ առաջարկ. Unity 8000 տարածաշրջանային փաթեթին միանալիս ծառայության օգտագործման առաջին երեք ամիսներն անվճար են, իսկ մասնավոր տների միացումն իրականացվում է առանց չափումների վճարի, եթե ցանցի ընդլայնում չի պահանջվում:
Առաջին բաժանորդ Արտաշես Դանիելյանին հանձնվեց Unity 20 000 փաթեթից վեց ամիս անվճար օգտվելու հավաստագիր:
Ավելի վաղ՝ 2025 թվականին, Ucom-ը գործարկել է ֆիքսված կապի ցանց Երևանի Հին Ավան և Ախթանակ թաղամասերում, ինչպես նաև Անաստասավանում, Սիլիկյանում և Եղվարդում:
