Արդշինբանկը շարունակում է ակտիվորեն ներդրումներ կատարել տեխնոլոգիաների և մարդկային կապիտալի մեջ՝ ամրապնդելով Հայաստանի ֆինանսական հատվածի թվային փոխակերպման առաջատարի իր դիրքերը: Հունվարի 20-ին Երևանում տեղի ունեցավ բանկի մասնագիտացված IT-հաբի բացումը:
Նոր գրասենյակը նախատեսված է 140 աշխատատեղի համար և կդառնա թվային արտադրանքի մշակման կենտրոն՝ բջջային և առցանց բանկինգի, վերլուծական հարթակների, ներքին ծառայությունների ավտոմատացման և ՓՄՁ-ների համար լուծումների: Այստեղ կաշխատեն ծրագրավորողներ, վերլուծաբաններ և IT-մասնագետներ, ինչպես նաև կստեղծվեն հանգստի հարմարավետ գոտիներ և բանակցությունների սենյակներ՝ յուրօրինակ դիզայնով, որոնք անվանվել են ի պատիվ Հայաստանի հնագույն մայրաքաղաքների: Հաբը պետք է դառնա գիտելիքների փոխանակման և աշխատակիցների կարիերայի աճի հարթակ:
Թվայնացման տնօրեն Արթուր Իսպիրյանը ընդգծել է, որ IT-հաբի բացումը բանկի թվային փոխակերպման ռազմավարության մի մասն է, որն ուղղված է նորարարությունների ներդրման արագացմանը, գործառնական արդյունավետության բարձրացմանը և միջազգային չափանիշներին համապատասխանությանը: Նրա խոսքով, հաբը կդառնա տաղանդների ներգրավման և նոր սերնդի մասնագետների ձևավորման կենտրոն:
