ՎՏԲ (Հայաստան)-ը ներկայացրել է նոր MIR Travel բազմարժութային քարտը, որը կդառնա իսկական օգնական այն հաճախորդների համար, ովքեր հաճախ են մեկնում Ռուսաստան, աշխատում կամ սովորում այնտեղ: Քարտն ապահովում է հաշիվներ միաժամանակ դրամով և ռուբլով, ինչը թույլ է տալիս ազատ կառավարել միջոցները, կատարել գնումներ և փոխանցումներ առանց լրացուցիչ փոխարկումների: Արտադրանքի առանձնահատկությունն է մինչև երկու լրացուցիչ քարտ կցելու հնարավորությունը նույն հաշիվներով, ինչը քարտերի միջև փոխանցումներն արագ և անվճար է դարձնում:
Հաճախորդները կարող են ակնթարթորեն կանխիկացնել գումար լրացուցիչ քարտից Հայաստանում և համալրել ռուբլով հաշիվը Ռուսաստանում բանկոմատների միջոցով առանց միջնորդավճարի: MIR Travel-ն ընդունվում է ՌԴ տարածքում բոլոր անկանխիկ վճարումների համար, ներառյալ առցանց գնումները, ինչը քարտը դարձնում է հարմար ամենօրյա օգտագործման համար: Միջոցների նկատմամբ վերահսկողությունը հասանելի է բջջային բանկի միջոցով՝ հարմար ինտերֆեյսով և շուրջօրյա հասանելիությամբ:
ՎՏԲ (Հայաստան)-ի գլխավոր տնօրենի տեղակալ Տարաս Կլադչենկոն նշել է, որ քարտը ստեղծվել է օգտատերերի առավելագույն հարմարավետության համար՝ միավորելով անկանխիկ վճարումները, ակնթարթային փոխանցումները և միջոցների նկատմամբ լիարժեք վերահսկողությունը: Քարտը կարելի է ձևակերպել բանկի մասնաճյուղերում, կայքում կամ Կոնտակտային կենտրոնում՝ ներկայացնելով անձնագիր և սոցիալական քարտ, իսկ լրացուցիչ քարտը՝ երրորդ անձի ինքնությունը հաստատող փաստաթղթով:
