Հայաստանում գործարկվել է «Սպառողի օգնական» ծառայությունը, որը նախատեսված է ապրանքների և ծառայությունների վերաբերյալ բողոքներ ներկայացնելու համար։ Այս մասին հայտնել է ՀՀ մրցակցության պաշտպանության և սպառողների շահերի պաշտպանության հանձնաժողովի նախագահ Գեղամ Գևորգյանը։ Պլատֆորմի միջոցով քաղաքացիները կարող են դիմել գնումների հետ կապված խնդիրների դեպքում, օրինակ, եթե ապրանքը հետ չեն ընդունում կամ այն անորակ է:
Բողոք ներկայացնելու համար անհրաժեշտ է մուտք գործել commission.am կայք կամ զանգահարել Հանձնաժողով և լրացնել պարզ ձև։ Հիմնական պահանջն է ձեռք բերված ապրանքի դրամարկղային կտրոնի առկայությունը:
Դիմումի գրանցումից հետո այն անմիջապես ուղարկվում է ընկերություն կամ խանութ, և եթե խնդիրը չի լուծվում 14 օրվա ընթացքում, Հանձնաժողովը ստանձնում է հարցը և ապահովում դրա լուծումը։ Նոր ծառայությունը պետք է սպառողների իրավունքների պաշտպանության գործընթացն ավելի արագ և թափանցիկ դարձնի:
