Երևանում մեկնարկել է Emarat ապրանքանիշի առաջին բենզալցակայանի կառուցումը։ Ծրագիրն իրականացվում է SIL Capital-ի կազմում գտնվող MegaTrade ընկերության և ՄԱԷ պետական էներգետիկ կորպորացիայի միջև անցյալ տարվա աշնանը ստորագրված համաձայնագրի շրջանակներում։
Կողմերը մտադիր են ստեղծել Emarat բենզալցակայանների ցանց Հայաստանի ողջ տարածքում։ Առաջին փուլում նախատեսվում է բացել մոտ 35 բենզալցակայան ֆրանչայզինգային մոդելով։ Ներդրումների ընդհանուր ծավալը գնահատվում է 35–40 միլիոն դոլար, իսկ յուրաքանչյուր նոր կայան պետք է ապահովի 20–22 աշխատատեղի ստեղծում։
Ծրագիրը դիտարկվում է որպես Հայաստանի վառելիքի շուկայի արդիականացման խոշորագույն քայլերից մեկը։ Համագործակցության շրջանակներում նախատեսվում է ներդնել վառելիքի որակի, անվտանգության և հաճախորդների սպասարկման միջազգային ստանդարտներ, որոնք Emarat-ը կիրառում է Մերձավոր Արևելքի շուկաներում։
