Picsart-ի հիմնադիր և գլխավոր տնօրեն Հովհաննես Ավոյանը պարգևատրվել է «Հայրենիքին մատուցած ծառայությունների համար» շքանշանով։ Նրան պարգևը հանձնել է Հայաստանի նախագահ Վահագն Խաչատուրյանը՝ Հանրապետության օրվա կապակցությամբ։
Ավոյանը նշվել է Հայաստանի կրթության, գիտության, մշակույթի և տնտեսության զարգացման, ինչպես նաև հայկական ինքնության պահպանման գործում ունեցած նշանակալի ավանդի համար։ Picsart-ում ընդգծել են, որ պարգևը ճանաչում է Ավոյանի ձեռնարկատիրական ուղին, ում հաջողվել է Հայաստանում ստեղծված գաղափարը վերածել գլոբալ տեխնոլոգիական ընկերության։
Picsart-ը հանրաճանաչ թվային հարթակ է և բջջային/վեբ խմբագրիչ՝ լուսանկարների և տեսանյութերի ստեղծման և մշակման համար։ Ծառայությունը ներառում է արհեստական բանականության (AI) վրա հիմնված գործիքներ՝ պատկերներ ստեղծելու, ֆոները հեռացնելու, կպչուն պիտակներ, տեքստեր և կոլաժներ ավելացնելու, ինչպես նաև սոցիալական ցանց՝ բովանդակություն փոխանակելու համար։
Այսօր Picsart-ի արտադրանքներից օգտվում են միլիարդավոր մարդիկ ամբողջ աշխարհում, իսկ ընկերությունն ինքը դարձել է հայ ձեռնարկատիրոջ կողմից ստեղծված ամենահայտնի միջազգային տեխնոլոգիական նախագծերից մեկը։
