Երևանում բացվել է Հայաստանում Apple-ի կողմից լիազորված առաջին կրթական կենտրոնը։ ACT College-ը ստացել է Apple Authorized Training Center for Education կարգավիճակը, որը թույլ է տալիս դասընթացներ անցկացնել ընկերության կողմից հաստատված ուսումնական ծրագրերով։
Քոլեջում առաջիններից մեկը գործարկվել է Swift ծրագրավորման պաշտոնական դասընթացը, որը մշակվել է Develop in Swift ծրագրի հիման վրա։ Դասընթացներն անցկացնում են Apple-ի կողմից հավաստագրված դասախոսները։
Ուսումնական ծրագրի հաջող ավարտից հետո ունկնդիրները ստանում են Apple Authorized Training Center for Education պաշտոնական վկայական։
ACT College-ում կենտրոնի բացումը համարում են կարևոր քայլ Հայաստանում տեխնոլոգիական կրթության զարգացման և երկրի՝ որպես տարածաշրջանային կրթական կենտրոնի դիրքերի ամրապնդման համար։ Արարողությանը ներկա էին Apple-ի, Հայաստանի կառավարության, ԱՄՆ-ում Հայաստանի դեսպանատան ներկայացուցիչներ, ինչպես նաև դասախոսներ և ուսանողներ։
